Ama Dablam 2007

13.10.2007 | 21:48

Undirbúningurinn

Hæ, hérna erum við rétt áðan. Frekar kalt í þokunni, það er yfirleitt sól fyrst á morgnana svo koma ský og loks þoka. Við erum búnir er vera hérna 5 saman + kokkur aðstoðarkokkur og þrír klifur Sherpar sem maður sér lítið, þeir eru alltaf á ferðinni. Hinum megin við hæðina er svo risa kampur; Hollendingar, Þjóðverjar, Kanar og fl. og fl. fullt af fólki á leiðinni á fjallið. Sherparnir eru enn að fixa línur upp á topp. Planið er að fara héðan á mánudaginn upp í búðir 1, daginn eftir eitthvað áleiðis upp og aftur niður í búðir 1 og þá á miðvikudaginn upp í búðir 3 og vonandi daginn þar á eftir alla leið á toppinn. Við erum í góðum höndum Simon er frábær fjallamaður og klifrari og svo er Henry Todd sem sér um aðstöðuna hér. Hann er einn sá stærsti í Everest leiðöngrunum og var m.a. '97 þegar okkar menn fóru á toppinn. Hann var að rifja upp um daginn að þegar þeir fóru upp var brjálað rok og þeir komu ekki niður í Suðurskarð kl. 19. Núna er fólk venjulega komið þangað kl. 15 þannig þeir hafa þurft að taka á því. Sherparnir okkar eru one of a kind 2 hafa tvö ár í röð farið tvisvar á Everest í sömu vikunni! Það þýðir upp niður og strax upp aftur, það er ofurmannlegt. En það má segja að þetta gæti ekki verið betra og svo 3 rétta máltíðir. Viðar rölti áðan niður í Pangboche til að fara í sturtu en við hinir bara búnir að chilla. Beztu kveðjur til allra á klakanum og ástar- til sumra.

Flokkur: Ferðalög | Facebook

Athugasemdir

Sælir strákar. Gott að vita að allt gengur vel og vonandi líður þér betur Viðar. Er búin að vera í sambandi við Huldu og er hún búin að upplifa miklar andstæður á þessu ferðalagi. Vona að hún hafi náð í ykkur eins og tilstóð.

Kveðja Hjördís

Hjördís (IP-tala skráð) 14.10.2007 kl. 09:42

Hæ allir

Þeð er rosalegt að sjá þessar myndir af leiðinni sem þið eruð á. Meiriháttar að fylgjast svona með "LIVE". Hugsum til ykkar alla daga, hér frá landinu flata. Gangið á Guðs vegum.

Helga og co

Helga (IP-tala skráð) 14.10.2007 kl. 16:38

Vona að planið gangi og að allt hafi gengið vel hjá Huldu. Góða ferð á toppinn Takk fyrir ástarkveðjurnar, reikna alla vega með að við hér á Kepplerstraat fáum nokkrar!!