UNICEF - vertu heimsforeldri

Leiðangur Viðars og Ingvars er í þágu UNICEF og er aðaltilgangur ferðarinnar að vekja athygli á ástandinu í Nepal og hvetja til stuðnings við heimsforeldraverkefni UNICEF sem vinnur mikilvægt hjálparstarf í landinu. 

Í 60 ár hefur UNICEF verið leiðandi í hjálparstarfi fyrir börn. UNICEF starfar á vettvangi í 156 löndum og svæðum og stendur vörð um líf barna frá fæðingu til fullorðinsára. UNICEF útvegar flestar bólusetningar til barna í þróunarlöndunum, styður heilsugæslu- og næringarverkefni fyrir börn, veitir börnum menntun og vernd gegn ofbeldi, misnotkun og HIV/alnæmi. UNICEF treystir eingöngu á frjáls framlög einstaklinga, fyrirtækja og ríkisstjórna.

Vertu heimsforeldri og breyttu lífi bágstaddra barna með mánaðarlegum fjárframlögum að upphæð 1.000 krónur eða meira á mánuði. Hægt er að skrá sig á www.unicef.is eða í síma 562 6262.

Við hvetjum alla til að skrá sig... núna!

Athugasemdir

[GHs (IP-tala skráð) 6.10.2007 kl. 16:09]

Er það nú ekki svolítið langsótt að segja að aðaltilgangur ferðarinnar sé í þágu UNICEF?

Engu að síður er það gott málefni til að styrkja og ekki síður til að vekja athygli á þörfu málefni barna í Nepal sem og annarstaðar.

[Hulda Gísladóttir (IP-tala skráð) 7.10.2007 kl. 21:29]

Nei nei Gísli, það er stuttsótt